第一信用(8215)前主席冼國林早前入稟告宏安(1222)主席鄧清河,咁啱噚日宏安舉行股東會,鄧清河就話唔想講咁多私人嘢,只係講咗一句「清者自清」,「無謂解釋喇,到時上到法庭睇下點囉。」
到底誰是誰非呢,就真係幾難定奪,冼國林指控「街市大王」鄧清河夾埋吳金龍用低價去挾佢隻殼,鄧就發聲明話絕無此事,似乎難免要對薄公堂喇。噚日同場出現嘅,仲有「街市大王」個仔鄧灝康(Nick),佢負責管理同系宏安地產(1243)。翻查資料,今年31歲嘅Nick早於2011年加入宏安地產,三年前升做執董,實行兩仔爺拍住上。