賭王三房千金何超蓮同台灣歌手吳克羣兩年異地戀，雖然係半公開秘密，不過兩人身邊都出現異性玩伴暗湧，日前超蓮相約觀音兵逛街，期間男方更體貼為超蓮鍊頸按摩，超蓮對呢個舉動竟然相當受落。

今晚當記者守候張栢芝返港同時，見到何超蓮蹤影，超蓮素顏﹑戴黑帽﹑熱褲配黑boot晒腿，孭住個藍色袋及攬住隻大bearbear熊返港，問超蓮喺邊度返？佢懶神秘話：「唔話你哋聽。」咁隻bearbear熊係咪吳克羣送呢？超蓮就話唔係，但見佢笑到見牙唔見眼，唔知去完邊度玩咁happy呢？

同場加映譚詠麟（阿倫）﹑洪金寶及太太高麗虹返等人返港，阿倫八卦記者等邊個，記者問佢有冇見過張栢芝，佢話：「哦﹗栢芝﹗」