噚日舉行嘅溫布頓網球男單決賽，除咗場上比賽好睇之外，觀眾席上亦有好戲睇，花生指數爆燈。

荷李活型男畢列谷巴（BradleyCooper）連日來都有帶女友俄國斯索模艾琳娜（IrinaShayk）女去睇波，兩人不時邊睇波邊咬耳仔，好鬼恩愛。不過噚日兩個人嘅氣氛唔同晒。畢列撩女友講嘢，但係艾琳娜全程嬲爆爆，塊面都勁黑，唔理男友，大會鏡頭仲影到艾琳娜好似抹緊睇淚咁，做乜咁愁？

其實當日同場睇波、離佢哋唔係好遠嘅，仲有畢列谷巴嘅舊愛英國模特兒SukiWaterhouse。Suki同爸爸去睇比賽，唔知艾琳娜係咪因為呷醋而發畢列脾氣？其實艾琳娜都唔使咁大火氣，論火辣性感程度，Suki拍馬都追唔上佢。