【李華華搶先睇】耀才葉茂林再向員工免按借孖展 今次抽邊隻新股?
耀才李華華搶先睇
「贏就員工,輸就歸我!」無錯,又係耀才證券(1428)主席葉茂林!
繼去年豪斥五億畀旗下全體員工先後認購閱文集團(0772)及易鑫(2858)之後,今次再讓全體員工「博多一鋪」,免按金向每位員工借出近90萬元孖展額度,認購300,000股(共150手),抽馬化騰以及一眾城中名流光環加持的新股希瑪眼科(3309),全體受惠員工超過三百名,咁樣前前後後三次招股活動就一共涉資近八億銀啦。
葉茂林話,睇好呢隻股行業獨特,加上又有「大孖沙」捧場,相信是近期最值博的股份,仲話有見各前線及後防同事真係由2017忙到2018,希望透過認購呢隻股,畀同事們一個揾錢機會,慰勞員工不眠不休,緊守工作岡位喎!