【Apple地圖】Maps大進化出埋飛機 日本已推出香港有排等

蘋果日報 2019/06/12 00:03

Apple地圖iPhone
    好多人都會用手機地圖搵路搵地點，但係就算係用iPhone，相信都唔多人會用Apple自家的「地圖」。無他嘅，始終資訊較Google Maps少，準確度亦較低。但在剛過去嘅WWDC中，Apple公開了進一步「地圖」嘅發展。
    工作人員講到新嘅「地圖」將會加入360度實景功能，記者睇過示範，可以行前行後，上下左右前後360度轉，冇錯，就係同而家嘅Google Mapss好相似。用家更可以隨時睇到喺360度實景中不同商店嘅資訊。而工作人員亦透露，Apple已經出動車頂有360度鏡頭嘅車隊，收集大量相片和資訊，更厲害嘅係Apple更出動埋真正飛機（記者問過，唔係小型無人機）去令資訊更完整可靠。雖然美國都要今年年尾先有新「地圖」用，但據知唔少大城市都已經有唔錯成果，日本亦已經開始緊拍攝工作，但香港就未有時間表，香港果粉想一睹Apple拍攝專車恐怕仲要等多陣。工作人員亦表示，Apple亦將會出動拍攝背包，幫助小路和行人路拍攝，跟Google Maps做法極相似，但作為果粉，有理由相信Apple會做得更靚啩。
    除了360度實景和更豐富資訊，新「地圖」當然亦會加入新功能，其中一個唔知係咪好消息，就係可以分享實時位置及預計到達時間（ETA），女友老婆們要追蹤男友和老公就更輕而易舉了。不過可以放心嘅係，同以往一樣，Apple強調用家私隱，所有搜尋、ETA等資料全都只會係用家之間點對點分享，資料完全唔會經Apple，可以放心咁話。
    當然喇，要加強全世界嘅「地圖」，時間和金錢都花費不少，Apple升級「地圖」，對iPhone用家來說點都係好事，值得期待，亦希望快啲可以喺香港見到Apple Maps專車喇。
    記者：韓繼聰
    編輯：鄒仲安

    -----------------------------
    放眼世界 ● 籽想旅行
    一Click睇盡旅遊資訊！
    -----------------------------
    【新聞有價】6月17日起 繼續撐蘋果
    http://bit.ly/2IJ24ZR
    empty
    Apple自家「地圖」資訊較Google Maps少，準確度亦較低，但在剛過去嘅WWDC中，Apple就公開了自己在「地圖」發展嘅雄心。
    empty
    記者睇過示範，可以行前行後，上下左右前後360度轉，冇錯，就係同而家嘅Google Maps好相似。用家更可以隨時睇到喺360度實景中不同商店嘅資訊。（網上圖片）
    empty
    新「地圖」可以分享實時位置及預計到達時間（ETA），同以往一樣，Apple強調用家私隱，所有搜尋、ETA等資料全都只會係用家之間點對點分享，資料完全唔會經Apple，可以放心咁話。