黃心美同吳日言今日喺商台接受訪問，宣傳ViuTV節目《暗中旅行2》，佢哋喺節目中分別帶領視障人士去關西及檳城旅行，吳日言話：「我唔知點同視障人士溝通，有次我唔記得提佢，佢撞到條樑，所以我好內疚。」

至於黃心美今次帶視障人士軒仔到關西，目的係幫軒仔同未婚妻影結婚相，佢話：「我應承咗佢哋做婚宴司儀，點知撞咗期，我就搵陳安立頂我。」呢個緋聞男友陳安立係咪頂呱呱？佢話：「唯一嘅頂呱呱，我封咗5位數字畀佢（陳安立），軒仔問我哋係咩關係，我答佢係朋友，真心，我哋係朋友，直至永遠。」會唔會同陳安立日久生情？黃心美笑住話：「一定唔得，我對咗佢6年都冇嘢，我要一見鍾情，陳安立可以收線。」