日本天后濱崎步加入樂壇20周年，今年佢展開巡迴演唱會及推出全新專輯《TROUBLE》，當昔日勁敵安室奈美惠已在入行26周年之紀念日引退，近日傳出步姐將在10月2日嘅40歲牛一宣佈「引退」。

步姐近年話題多多，除咗負面消息，其上圍都獲網民熱烈討論，先後升Cup成G奶導彈，日前更疑似巨乳下垂，近日再傳出引退消息。步姐近年「參考」安室可謂有目共睹，由形象、廣告及概念都似層相識，多次被指模仿安室。有圈中消息指，步姐眼見安室退休引起極大迴響，更賺得可觀退休金，唔排除步姐有樣學樣，會趁40歲生日當天宣佈消息，不過享受成為焦點嘅佢當然仲好留戀演藝生涯，所以佢話唔定會以「活動休止」來為自己留後路，暫別一排就會復出樂壇，消息係真係假，10月2日就自有分曉。

精選娛聞，喺晒《娛果》
http://fb.com/appledailyent