日本名導是枝裕和執導新作《小偷家族》奪得康城影展最高榮譽金棕櫚獎，在日本票房已突破30.7億（約2.17億港元），入場觀眾已經破252萬人次，電影今日正式在港上映。

《小偷家族》由Lily Franky、安藤櫻、樹木希林等好戲之人合演，上位女星松岡茉優在片中亦甚有發揮，故事講述一個貧窮家庭靠「偷」來維繫親情。《小偷家族》贏盡口碑，今次把假牙除下演出嘅75歲女星樹木希林，原來係佢主動提出，佢話：「人老了，樣貌便越來越不堪入目，我想表現出這效果。人是會如此枯萎凋零、垂垂老矣，我自己已親身地感受著。看到骸骨，然後有人說這其實是楊貴妃來的，你能想像嗎？世事就是這麼有趣。」樹木希林上次參演是枝裕和執電影《比海還深》時，佢認為劇本寫得非常精密，好多人都覺得係無懈可擊。不過，當樹木希林收到《小偷家族》劇本後，竟把劇本退還導演，更說：「不，不要預我了」經翻來覆去才答應演出。

原來樹木希林初次睇完劇本後嘅感覺係「甚麼來的？」不過佢認為呢個可能係最原型也是最後嘅是枝作品，所以都係決定接演，不過一開始要去拍海邊戲份，一整天要在炎熱沙灘上開工，之後就一直留在破屋拍攝，度過大除夕、新春，感覺完全冇機會過新年，身體漸漸感到虛弱起來，令佢有「嗰頭近」嘅感覺。煞科之後，樹木希林馬上走去跟導演說「謝謝」，然後便把劇本丟入垃圾桶。

至於女主角安藤櫻，在開拍前冇特別為角色做任何準備或作特別思考，只係趁開拍前，自己駕車去到片中一家人居住嘅一帶兜了幾個圈，仲有落車散步，在周圍逛足一日。主要拍攝係去年12月開始進行，安藤櫻表示：「這是我生孩子之後的第一次演出。因為體力差了很多，感覺像是一場產後的試煉（笑）。一踏入12月，每天都有要去跟這家人和是枝組見面的感覺。隨着每天的攝影，一起和這家人和是枝組渡過的時間，日積月累起來，一家人的感情也漸漸培養出來了。導演按著我們一家人的關係和感情溫度，邊拍攝邊在劇本進行加減。所以今次是我拍戲以來最不用思考的一次，完全可以用最自然的狀態走進現場，帶著自己的身體和劇本就可以入戲，整個過程都是在很緩和的氣氛下渡過。」

精選娛聞，喺晒《娛果》
http://fb.com/appledailyent