拍過人氣韓劇《請回答1997》、《主君的太陽》同《記住你》嘅韓國男星徐仁國，今個星期日會再次襲港，當日佢會乘搭早上大約11時嘅航班抵港，下午隨即前往新都會廣場舉行粉絲擊掌會，屆時佢更會一展歌喉，唱出首本名曲《CallingYou》及《主君的太陽》插曲，相信一定會冧暈粉絲。

徐仁國對今次香港之行亦十分期待，佢特地拎住寫有「大家好！我是徐仁國～SeeyouallinHongKong」字句嘅紙牌，約定粉絲到時見面。而身為大忙人嘅徐仁國，完成香港活動後就要趕去日本繼續工作，令佢想趁機唞唞氣遊覽香港都唔得呀。

雖然喺香港冇時間玩，不過徐仁國日前就去咗江原道玩水上活動，睇見佢V晒手，應該都玩得好開心。