【抗暴之戰@元朗】毋忘7.21集會 爸爸抱仔怒斥防暴:等佢知呢個社會發生咩事

蘋果日報 2019/12/21 20:24

元朗防暴警Yoho Mall白衣人

7.21元朗白衣人衝入港鐵站無差別襲擊市民,5個月後仍有百多名逞兇者未有落網,令市民氣憤難平。韓先生今日帶同太太及兒子到元朗參與「毋忘7.21事件5個月」集會,集會期間突然有大批防暴警員闖入商場粗暴驅趕民眾,引起在場市民不滿,韓先生亦忍不住一手抱起兒子,與街坊一同怒罵警員。
記者 趙媛媛
韓先生表示今日前來元朗集會,除了7.21事件外,更是要站出來為不公義發聲,「我哋係唔會因為警暴而退縮」。7月21當晚,韓先生在家中收看電視,初時並不敢相信有如此荒謬事情在香港發生,「之後夜晚聽到警方話見唔到(白衣人)有武器呢啲對答,我覺得好恐怖呀」。他續指,現時香港讓市民發聲空間已逐漸收窄,「一個人嘅聲音好有限,知道邊個地方集合到聲音嘅,我認為要去囉」。
集會期間,大批防暴警察闖入Yoho Mall商場內粗暴驅散市民,韓先生指當時在場市民均十分高漲,對警員無預警地闖入商場大感不滿,不斷指罵警員,其間警員舉起V字勝利手勢,又開咪用言語挑釁民眾反擊。韓先生認為,警員行為極為幼稚,「你身為專業嘅警務人員,點會咁容易比人挑釁到㗎」,當時韓先生亦忍不住一手抱起兒子,與群眾一同怒罵警員。訪問期間,韓先生兒子亦在旁回應「警察好衰,因為佢哋亂咁捉人」。
韓先生帶同兒子參與集會,盼能以此提高兒子公民意識,「作為家長,我哋要帶埋小朋友出嚟,比佢睇多啲,等佢知呢個社會發生咩事」,每次帶同小朋友外出參與集會,韓先生也會小心留意現場環境,與警察保持安全距離。
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆,我敢獎! 立即WhatsApp《蘋果》24小時爆相爆片熱線致電:63836568