韓國女團f(x)前成員Sulli自去年退團後，因行為越來越豪放而惹來唔少是非，日前更被指有不雅照流出。不過Sulli懶理是非，今日如常於微博公開新自拍，只見佢換咗新髮型，又留言「Iloveyou」，唔知係唔係同男友講？

另外，女團BrownEyedGirls成員佳仁跟男友朱智勛早前被指有性愛短片及照片於網上流出，令兩人陷入淫照風波。佳仁所屬事務所噚日表示，上月初已以名譽損毀為由，向惡意傳播虛假傳言嘅網民及媒體提出起訴。而朱智勛方面表示，因有關媒體已為報導道歉，目前仲考慮及商討會點應對。