【新增回應】

颱風「飛燕」吹襲日本，狂風暴雨令大阪關西國際機場停機坪、跑道及客運大樓嚴重水浸，關西機場仍然封閉，國泰多班來往大阪航班取消，該公司內部群組通訊顯示，估計直至9月10日，來往當地航班均會全部取消，關西機場最多可能要關閉一個月。有乘客收到國泰通知，國泰接受申請改期或退票。(新聞連結： https://bit.ly/2oOikzb )

目前同老公羅力威滯留大阪的雨僑，剛於ig貼文，指自己原定同老公9月7日返港，然而目前他們收到太多資訊，令他們有點惜手不及。她說：「我們暫時還未有回程航班資訊，聞說原定這兩天走的遊客都要改到十多號回程，機場重開的日子也未知，機票改到哪個城市也未知，不好意思這幾天香港的appointments我們還未知到如何處理，四面百(八)方的資訊盡不相同，如果你們有航空公司安排的最新公告，也請告知我們 #原定9月7」。

有網民就留言指關西機場可能要關閉一個月，就提議他們改由經名古屋返港，但雨僑則指目前他們資訊有限，好多事情她也棘住，航空公司的網站也未能更改機票，亦未有甚麼通知，而她亦只知道名古屋機場亦好Full。亦有網民留言提議「一係上東京羽田/成田都得，神戶機場宜家有內陸機仲飛到去日本其他地方，如果重新買一張機票，而保險有得賠，咁就唔洗改機票」。

而《蘋果》聯絡到於大阪的雨僑，她說：「係呀，都應該確定係滯留啦，今日下午開始聽到新聞關西機場關閉，周圍資訊好唔同，有話十日，有話一個月，唔知幾時返到嚟，買機票航空公司，正常7號走冇得改，依家天災，未知點安排，如走唔到，可能要去名古屋，其實名古屋機位已好full，我哋唔敢輕舉妄動，酒店有多兩晚，我哋都被動，佢哋處理咗呢兩日要處理客人先，所以我哋都未有安排。可能要諗去東京或福岡。」

精選娛聞，喺晒《娛果》
http://fb.com/appledailyent