沈集成馬房在港初出馬「帝豪福星」，於這天（9日）沙田第二場三班草地1200米，以無敵姿態爆15倍冷門，在郭能胯下沿途守第五位，直路一騎即彈甩晒對手，狂勝4馬位，亞軍身價850萬的香港拍賣馬「京京千里」，完全無法逼近，反映「帝豪福星」大超級。

「帝豪福星」只是3歲新西蘭自購馬，連同外國共4戰得3冠1亞未失Ｑ，其實此駒對上一次出賽，已是2017年12月9日在湛頓馬場1200米二級賽得亞軍，今次久休一年復出亦大勝，可見厲害。

「帝豪福星」個多星期前還在從化試閘，返港短短日子立即以超班姿態贏馬。

沈集成對此大表讚賞，他說：「『帝豪福星』已足足一年未有出賽，之前狀態普通，於是安排到從化操練，早前試閘如果表現欠佳，我便會繼續讓牠在當地操練，但馬兒卻有出色走勢，因此立即運返港跑今日賽事。」

「『帝豪福星』能夠大勝，質素肯定甚佳，目前75分，預料下仗升上二班亦有爭勝機會，長線值得睇好。」