當年今日
關於我們

球星度假做啲乜?月巴飲紅酒 伊巴踢衛生波

蘋果日報 2017/06/27 02:00

曼聯朗尼伊巴謙莫域伊巴度假伊比薩島

伊巴謙莫域同朗尼呢幾日咁啱都喺伊比薩島度假,但佢哋做嘅嘢都好唔同。盛傳今夏離開曼聯嘅朗尼,就帶埋老婆高蓮上遊艇玩,享受陽光與海灘,仲同舊隊友布朗一齊開P,大大杯紅酒,拎住慢慢飲。至於今月底同曼聯約滿嘅伊巴就約咗一班巴黎聖日耳門嘅舊隊友玩,包括馬高華拉堤、柏斯托尼同埋麥士維。養傷兩個月後,伊巴嘅康復進度睇嚟唔錯,同班老友踢吓衛生波。話晒都做咗一季隊友又喺埋一個地方度假,唔知伊巴下次踢衛生波會唔會預埋朗尼呢?
empty
伊巴(下排左三)、柏斯托尼(下排右二)、麥士維(下排右一)同埋華拉堤(上排右三)等踢衛生波。
empty
朗尼(右)同布朗(左)飲紅酒。
empty
朗尼老婆高蓮(左)亦有到。