當年今日
關於我們

【自讚好演技】Stephy自言同阿寶唔似:唔係角色中咁蠢

蘋果日報 2020/03/30 13:25

鄧麗欣金像女情

ViuTV全新節目《金像女情》請來主持人何嘉麗擔任主持,並會邀請香港電影女藝人或影后訪談心路歷程,分享拍電影時的辛酸喜樂。昨晚為節目打頭陣嘉賓是近年在影壇躍進的鄧麗欣(Stephy),暢談由拍爛片到獲獎得到認同的變化,致她近年決定在電影圈發展。
Stephy先後兩次提名香港金像獎女主角,今年憑《金都》入圍爭影后,感受比首次提名深刻:「第一次所有嘢都來得突然,好大衝擊,唔識感受,今次能夠感受喜悅,亦證明自己唔係幸運,係有實力先得到第二次提名。」她喜歡電影角色內容真實貼地。
Stephy當年是參加校花選舉而加入娛圈,她笑似與拍戲橋段一樣,陪友人參加結果自己獲選冠軍。入行後組成女子組合Cookies,之後有機會參與鄭中基主演《龍咁威2003》,Stephy說:「當時我係幾唔同,拍住谷德昭同李璨琛佢哋係好多嘢講,個個充滿活力,我自己唔係一個咁有energy嘅人。」
及後Stephy合作得最多就是金牌組合葉念琛和方力申,一系列小品愛情故事。Stephy和小方10年情告終,現時的她已名花有主幸福快樂,節目中亦有播放出Stephy和小方劇照。而要數當中令人深刻相信是電影角色中「阿寶」的戀事,她笑言:「咁多個阿寶都唔似我,有啲太惡、太蠢、又容易俾人呃,我唔係角色中咁蠢,嗰時已經好好演技。」
愛情系列過後,Stephy前年拍攝《空手道》突然脫胎換骨,並為她帶來影壇獎項,活出另一個Stephy,她否認:「都唔係,我入行原來都拍過40至50套不同類型電影,只係時機未成熟。」Stephy近年多接拍新導演電影的作品,她解釋:「自從拍攝《藍天白雲》同新人合作後,覺得佢哋可以有發揮,我又可以試唔同角色,同新導演合作都係緣份,第一次做導演通常會將最好嘅集中精神去發揮。」
撰文:卓寶花
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
Stephy接受何嘉麗訪問。(電視截圖)
empty
Stephy初出道拍了不少爛片」(電視截圖)
empty
Stephy稱前年拍《空手道》突然脫胎換骨。(電視截圖)
empty
(電視截圖)
empty
Stephy透露愛與新導演合作。(電視截圖)