在剛過去的周日，有網民發起遊行，期間一名12歲女童被多名防暴警員壓倒在地，有防暴警員並以膝蓋壓著女童。事件令社會嘩然，不但女童母親質疑防暴警員是否有需要以膝壓女童，教育界持份者、防止虐待兒童會及小童群益會更先後發表聲明，質疑警方處理手法。

過去多次發表撐警言論的導演高志森，事後在其facebook發文：「去到暴亂區買文具？警方當日已經不停呼籲市民不要出旺角油麻地高危地方‧‧‧成個下午又不們開咪呼籲市民唔好停留，兩兄妹十幾歲，聾㗎？」，其後又再出po：「呀家長，有啲家教，教妳子女要注意安全第一，好彩妳個女唔係响美國，警察截查，妳仲跑？美警直接開槍。」並質疑女童「間文具舖日日都有開，仲開到晚上八點，何解佢哋日日都唔去買嘢，偏偏暴亂嗰日就去？」

身處加拿大的鄭敬基（Joe），對高志森的言論相當勞氣，他在網上發文：「一個冇咗嘢做嘅所謂導演會點？可以點？一個被香港人摒棄嘅所謂文化界會點？一個盲咗嘅人嗌『聾㗎？』一個心黑咗嘅人，用彩色底去粉飾去煽動仇恨！一個明明12歲都要講成十幾歲，為講而講嘅中國香港，一個唔識分『高危』係因為呢位中國香港所講嘅『警方』去到邊、邊度就變高危所至，唔通市民就唔出街？」

連網民對高志森的涼薄言論亦看不過眼，指高志森「又嚟擦存在感」，亦有網民留言：「好多香港人都叫佢收皮，但係佢仲未收，聾㗎？」、「我家住油麻地要返工，是否唔可以出門返工，低智商。」

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現！