【師兄你點睇】真係咪睇小！第六場黎海榮爆得冷（賴維銘）
蘋果日報 2019/10/09 06:00
黎海榮賴維銘第六場鼓浪威風晨曦飛馬師兄你點睇
鼓浪威風（近）日前由黎海榮試泥閘後上第三
賴：前騎師賴維銘
記：記者吳文輝
記：記者吳文輝
記：雖然近期有社會事件發生，但好彩剛周日（6日）沙田賽事都能順利舉行，希望今晚（9日）谷戰都可以一樣啦！
賴：冇錯，尤其係方嘉柏馬房今晚大舉出擊，我相信佢想把握機會於強項谷戰取得佳績。最尾第九場未敗之師「一拍即合」固然是重心所在，另一匹由潘頓策騎的質新馬、第四場四班1200米的「晨曦飛馬」，預計亦很大機會報捷。
這匹五歲馬上季跑過兩場成績一般，不過一再展露唔錯追勁，鬥心不俗。上仗季內初出，「晨曦飛馬」如常留前鬥後得亞軍，不過勝出的「發財寶」實在太勁，「晨曦飛馬」鞭長莫及。
唔計頭馬，「晨曦飛馬」走勢其實非常好，進步良多，今次轉戰快活谷對手弱過上場，抽到3檔如發揮正常爭勝機會樂觀。
記：姚本輝馬房今季表現令人驚喜，今戰會否又有頭馬見面？
賴：雖然姚廐今戰出馬少，但有一匹馬我幾鍾意，就係第六場四班1200米「鼓浪威風」。呢匹質新馬除上季初出攞過一次獎金後，之後三場都冇影，該三場排檔都唔好，尤其兩次谷戰搶放後收工，冇認真發揮過。
今季評分減至44分，埋門試閘用黎海榮教追馬，後上得第三走勢唔錯，似乎有相當起色。
黎海榮以前幫輝哥立過唔少功勞，「鼓浪威風」最近由佢一手打點，相當重視，排6檔亦比以往改善，今場熱門馬各有不足之處，配合馬房旺勢，出冷絕不出奇。