沙田馬場今日（23日）十場日馬有六場是泥地賽，馬場上空一直落住微雨，所以泥地掛牌第三場起改為濕慢地，至於C加3欄草地賽就繼續掛好地牌，馬會的草地跑道疏水系統真係世界級，而今日亦不會進行壓地。

上半場跑咗三場泥地賽，有短途有中距離，結果偏向利前置馬，帶頭領放馬更三場獲一亞兩季，未甩過三甲。下半場仲有三場泥地賽，睇嚟點揀都唔可以漏咗領放前速馬。

草地方面，同泥地賽一樣都利前置馬，兩場勝出嘅賽駒都係早段守好位，唔揀前速馬好大機會一早撕飛。

騎師方面，有最強十磅仔之稱嘅火車潘潘明輝繼續強勢開火，上半場已贏走一冠兩季，嚟緊成個下半場都會繼續見到佢嘅蹤影，其中第八場大摩馬房「花月流星」前仗就係幫潘明輝取得在港首勝，人馬再次歸來，機會點睇都覺得有！