當年今日

照顧病母 乖女創商機

蘋果日報 2013/05/12 00:00


【母親節專版】
活躍美麗的媽媽,因為一場大病,自此要坐輪椅出入,一般人或會怨天尤人,女兒梁淑儀(Doris)卻想到創業,扭轉局面。兩年前,她與有心人創立「鑽的」,專為殘障人士提供七人車的士服務,患腦癌的母親,正是首批受惠者。「我希望輪椅朋友都似我媽媽一樣,即使行動不便,仍有好多人錫佢哋,似鑽石咁珍貴」。
Doris很強悍,說話條理清晰,「呢啲都係遺傳自我媽媽,仲有貪靚,係佢教我點樣着裙!」Doris有三兄弟姐妹,排行第二,父母經營豬肉檔,年中無休,一家人關係親密。但07年母親大病,令一切改變,「媽媽發現患上腦癌,要緊急接受手術,右肢永久傷殘」。
接送母親覆診,更成為家人難題,「要返工,爸爸又年紀大,搬媽媽上的士好困難,試過call設有升降台啲非法白牌車,兩架輪椅逼埋車尾,仲要好臭!」Doris不明白市場有需求,為何沒有相關服務,剛好遇上社會創投基金展開無障礙運輸工具的研究,「用家」Doris與基金會一拍即合,鑽的應運而生。
辭去記者工作,以新丁身份由零開始,Doris走馬上任CEO。兩年來,面對特別車種高昂的維修成本、保守的市場投資者,關關難過關關過,鑽的逐漸被市場接受。Doris母親去年過世,再難過,她還是抹乾了眼淚,「我知道媽媽喺天上一直保佑我」。
empty