當年今日
關於我們

隔牆有耳:白鴿黨收D9急call - 李八方

蘋果日報 2009/08/15 00:00


台灣莫拉克風災傷亡慘重,民主黨、民建聯噚日同時喺中環籌款。民主黨正、副主席三人一到場,即自掏腰包捐錢,現場反應亦唔錯,暫時籌得港幣約13,000元,佢哋話未來兩星期會總動員喺全港18區開設逾150個籌款站,所得善款全數轉交香港紅十字會,再送交台灣災民。
白鴿黨主席仁哥話,新特首辦主任譚志源前日朝早親自打電話搵佢,希望議員下星期一開特別財會批出5,000萬元予台灣同胞,又叫白鴿黨多多支持,一早決定發起募捐行動嘅仁哥當然話冇問題,反而覺得港府今次反應唔夠快。香港高官接受嘅係共產黨領導,唔係國民黨領導,冇咁着緊可以理解,仁哥睇開啲啦。
開特別財會傾撥款
白鴿黨副主席兼財委會主席卿姐前日則收到人肉錄音機林D9電話,佢表現得心急如焚,不斷話想盡快開特別財會撥款,可能係收到阿爺柯打要做嘢。救災要緊,八方知道立會秘書處隨即急call議員,召集大家歸位,卿姐話相信到時夠人開會。