林家棟今日喺柴灣為ViuTV節目《大星講》錄影，原來佢最近忙緊寫劇本，「關於兩個警察，成個戲係見唔到開槍，但我好開心。啱啱搞掂劇本，就已經有投資者。」幾時開工？家棟話先要等批文再開拍。係咪自編自演﹖佢話：「投資者想我演埋，但我就一般般。」

講到香港電影工作者總會連同屬會、演藝人協會正副會長古天樂、林家棟及張同祖，於下周一約見特首林鄭月娥，反映電影界面對困境，家棟話：「交畀古仔，佢係會長吖嘛，我同古仔講O依家拍攝時候有好多，例如借地方拍又話唔得，我好難一年前畀到計劃書。我哋唔同荷李活，人哋做一個Project做五年，香港唔會0架嘛，香港最多年半，所以希望呢方面多啲協助。」

提到契媽夏萍近況，家棟表示：「OK，啱啱call咗個喺慈善基金做嘅朋友，打算喺中秋節嗰日，喺院舍搞個活動，等佢哋開心下，不過我叫佢（夏萍）唔好食月餅，因為糖份太勁，佢身體都OK，開心！」