未到重九,麗展(488)系股價鬥快登高,剩底大落後豐德麗(571),買。麗展由上年中發力,到家陣升咗兩倍,麗國(191)對上星期五搶升15%,同樣創咗三年新高,累積升幅兩倍過外。豐德麗點?佢三年高位喺2011年6月3.34元,跟住過去兩年,一路兜大圓底,兜到家陣,現價得1.69元,等緊爆,要追落後,真係大把空間。再講,豐德麗NAV 6.4元,現價係大大大折讓74%,兼係系內折讓最大。而嚟緊日子,集團又直接受惠旗下麗豐(1125)之內房及橫琴增值,NAV可以快高長大。再講,豐德麗淨現金高達6億銀,又係現金牛,冇有怕。呢轉買豐德麗,上番2011年高位3.34元咁計數,現價幾乎要翻一番,未計增值前,折讓仍然挨近50%。