好喇，噚晚《星夢傳奇》又播完，依然係鄭俊弘拎第一，贏埋唱歌劇，教唱歌教咗10年嘅李壁琦，公唔公平?見仁見智啦，評判都話唔係好識俾分，歌劇唱得再好聽，都要有市場嘅，太曲高和寡喺香港，確係冇市場。

不過，同樣唱流行曲唱得唔錯嘅「卡拉之星」鄭世豪，之前講完《星夢》入選準則因有太多數要計，自己太天真。另一方面，唯唯明明表演得唔好，但總係好似有人照咁，好似噚晚張景淳表現都唔錯，都係要foul，網民都話「無綫死都要留唯唯喺度」，人哋望落就唔公平，但唯唯自己一樣覺得唔公平，覺得人哋針對佢，早幾日受訪話自己先係受害者，評判趙增熹同EricKwok都有讚佢。 鄭世豪兩日前就回應話:「對~邊有公平！既然你都咁講，我撐！~」

咁究竟佢係暗示，撐唯唯留低係實至名歸，定係再轟《星夢》賽果唔公平呢?