【李八方online】專注議會工作 尹兆堅棄選白鴿黨副主席
民主黨尹兆堅李八方
尹兆堅決定棄選民主黨副主席,專注立法會工作。蘋果日報
坊間就特首特首選舉鬧得熱烘烘之際,白鴿黨內領導層選舉,亦轉趨白熱化。白鴿黨現任副主席尹兆堅率先表示,來屆不會角逐連任,希望專注立法會議員工作。阿尹坦言,做副主席其實唔易,因為好多時不同支部兄弟間的糾紛,都要副主席親自化解。
據了解,白鴿黨主席大熱人選,係早前相對低調嘅立法會議員胡志偉,次熱門係現任副主席羅健熙。羅健熙同八方話,目前仍同胡志偉就參選主席一事進行商討,暫時無乜嘢可以公布。早前未有表明參選主席意向嘅胡志偉,則向八方承認正就參選領導層「做緊啲準備」,最快都下周先會有正式公布。
有白鴿黨內部消息估計,羅健熙若然唔選主席,就有可能競逐連任副主席,同黨司庫袁海文,以及日前表明有意參選嘅資深黨員林子健競爭。