對於痛失丈夫和兩名女兒的梁太連日來表現堅強，劉楚釗形容「印象好深」，他欣賞梁太在經歷巨大災難後，仍能清晰提出自己的想法，包括主動提出將Jason送返香港，並找腦科醫生協助治療。
在眾多死傷者家屬中，劉楚釗最擔心是在事件中失去至親的孩子們。回程的飛機上，他一直有留意孩子們的表現，尤其是失去雙親及姨媽的汪綽瑤及汪政逸兩姊弟，「喺飛機上面行過時我都有留意佢哋，問吓佢屋企人支唔支持到，但冇主動介紹自己，怕佢見到醫生就諗起當日發生嘅事」。
劉醫生不忍事件中的傷者及家屬回想當日的驚心動魄，也不認同家屬落機後，在香港機場上迎接靈柩的安排，「最唔想睇靈柩返港儀式嘅直播，我唔忍心病人同埋家屬要喺傳媒面前再一次傷心流淚」。以他所知，綽瑤現時的情緒尚算平復，但相信日後仍須專業人士跟進。
港人遇難，各界同哀。劉楚釗經歷是次馬尼拉事件後，對人生有更深的體會，「人總要向前望，唔開心嘅事件發生咗，最緊要係諗吓點樣正面補救，點樣幫一班失去親人嘅親友同小朋友先係最好」。本報記者