記者日前到何伯開設於中環卑利街的「傘檔」訪問他,從遠處看見,不斷有途人停下來與何伯閒談,而何伯一直笑容滿面,令人充分感受到他既隨和又熱情的性格。何伯甫見記者即彬彬有禮地說:「我喺呢度擺咗幾十年檔,周時有街坊、老友嚟同我傾偈,今日你都專登嚟我檔口訪問我,真係高興!」
響應耆英饑饉籌款
健談的何伯告訴記者,他每星期有六天擺檔修理及售賣雨傘,風雨不改,並堅持只要有力氣,一定會工作下去。
記者訪問何伯期間,發現他擺檔實際上是為了做義務工作及多接觸社會,而非志在賺錢。「好多時大家嚟放低啲傘畀我修理,我都唔收錢,無所謂喇!」
何伯續稱﹕「我無傘修理嗰陣,就整多幾把新傘,打算喺今年嘅耆英饑饉活動義賣五十把傘,有力出力。」
樂善好施的何伯,已連續第九年響應香港宣明會的「耆英饑饉」活動,為內地貧困兒童籌款。
何伯憶述,他九四年閱報得悉該慈善活動,立即聯同妻子報名參加,且主動捐出十把自製雨傘在活動中義賣,「我一開始決定捐十把傘,係為咗紀念後生嗰陣要養九個仔嘅苦況,當年屋企窮,每逢過年,我都要整十把傘拎去賣,捱過難關,真係印象難忘。」