大陸演員黃聖依2004年喺周星馳電影《功夫》飾演啞女而成為走紅，不過點都唔及佢同經理人楊子嘅緋聞咁精采，嗰陣有傳話佢唔單止係小三，而且仲為楊子生咗個仔，直到2015年，楊子終於承認同太太已經離咗婚，離咗婚冇耐就同黃聖依結婚，育有一子，喺2016年網民喺網上爆話黃聖依已經懷有楊子嘅第二胎，仲話見到佢喺溫哥華做產檢。(新聞連結： http://bit.ly/2iFX6hl )。

今日楊子喺微博罕有咁貼咗幾張家庭相，原來佢同黃聖依大仔Andy搞咗個生日會，楊子攬住Andy影相，睇真啲佢哋兩父子個樣成個餅印一樣，仲有一張係黃聖依同佢一齊吹蠟燭嘅相。除咗大仔之外，細仔Anlin亦都有份出鏡，早前楊子亦都有為Anlin搞咗個1歲生日Party，佢哋一家四口同埋屋企人排排坐影全家福，真係好溫馨！

楊子同黃聖依分別留言話：「大祝：Andy生日快樂，Anlin健康成長，天下小朋友天天快樂！」

精選娛聞，喺晒《娛果》
http://fb.com/appledailyent