【走得及時】麥明詩新工作未受疫情影響收入 怕被隔離滯留台灣
蘋果日報 2020/03/01 16:53
台灣象山麥明詩武漢肺炎
（IG圖片）
武漢肺炎肆虐全球，好多行業都受到影響，連娛圈中人都因為無工開而叫苦連天。反而「十優港姐」麥明詩（Louisa）可謂走得及時，去年毅然引退，不再做無綫「親生女」，轉簽一年一騷的藝員「綠葉約」，不久，麥明詩便全職投身法律界，幫律師樓當顧問，既有穩定收入，人自然安心好多。
麥明詩的新工作經常要出差，上月便飛去台灣工作，但遇上疫情嚴峻，台灣政府早前限制香港及澳門入境台灣者，抵台後必須自我隔離14天，所以麥明詩一直逗留在台灣。Louisa今日在IG貼上一家三口相，原來她的媽媽和醫生哥哥最近都飛去台灣陪伴她，留言：「Throwback to hiking at 象山（回到象山遠足）」。有網民問她「佢哋入唔到境喎？」，Louisa即答：「我哋可以留90日。」
麥明詩今日回覆傳媒時說：「現在嘅疫情對我份工，慶幸經濟上冇乜影響，但我唔可以飛返嚟香港，因為我呢排要喺台灣工作，如果我返咗嚟就返唔到去台灣工作，因為要隔離，所以我都個幾月冇返香港，呢個係最大影響。」她透露哥哥近月亦被醫院派去台灣做實習，她說：「1月時候媽媽嚟台灣探過我同哥哥，佢已經返咗香港，嗰張係舊相。」
《果GYM》隨身播 健身壹App過！
麥明詩的媽媽早前飛台灣探子女，並一齊遠足。（IG圖片）
麥明詩一度買不到口罩（IG圖片）
麥明詩飛抵台灣後，仍要埋頭苦幹工作。（IG圖片）
情人節有花收（IG圖片）
麥明詩這位「十優港姐」，去年選擇離開娛樂圈。（IG圖片）
麥明詩曾經是無綫力捧花旦之一（IG圖片）