胡杏兒早前和「胡說八道」幾位好姊妹胡定欣、李施嬅、姚子羚等，一起到馬爾代夫旅行，剛結束旅程回港的她已投入工作，獲品牌邀請和陳爽、沈卓盈等到馬場擔任活動主禮嘉賓。

杏兒穿上露肩白色紗裙，配上多款珠寶，打扮隆重，杏兒笑言女生都喜愛珠寶，自己也不例外，老公Philip平時亦很識做：「老公大時大節都會送珠寶，有紀念價值之外仲可以保值，佢有時甚至會自己design，再搵做珠寶嘅朋友幫手整。珠寶唔會嫌多，耳環、頸鏈、介指都鍾意。」

談到馬爾代夫之旅，7天行程中，眾人每日都非常勤力在社交網發放水着靚相，杏兒說：「今年係一個大生日，安排咗好耐，初頭幾日唔太好彩，天氣一般，只可以留係房玩、傾偈，好彩後尾幾日天氣轉好，成班姊妹就瘋狂影相，因為實在太靚。今次係一個好好嘅回憶，希望下次可以6個齊人。」

聖誕節將至，杏兒已準備好與今年7月出世的細仔Ryan過首個聖誕節，她說：「今年聖誕應該會同屋企人食飯，屋企棵樹已砌好，第一次同細仔過聖誕，已經買咗聖誕衫畀佢，一定會一家人喺聖誕樹前面合照留念，希望年年都影一張。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇