有「月巴」之稱的嘅英格蘭前鋒朗尼又再惹事，近日又涉犯醉駕被捕，可見31歲嘅佢似乎仍未生性。原來朗尼喺今夏重返母會愛華頓之前，曾經同領隊朗奴高文會面。朗奴高文提醒朗尼，指佢喺隊中並冇任何特權，更警告佢注意自己嘅生活態度，不過話口未完佢就已經即刻出事。由於朗奴高文對隊中嘅紀律非常嚴格，有指「月巴」歸隊後將會受到高文嘅紀律處分，有排佢受。