戰馬搏來搏去贏唔到點算好，對練馬師來講，最簡單的方法，就是搵實力更強的騎師幫拖，提升馬匹戰鬥力。

好似嚟緊周三（27日）谷中夜馬四班1200米，丁冠豪便棄用騎開的黃皓楠，找來冠軍騎師潘頓，替旗下「君達星」操刀。

其實潘頓對「君達星」絕不陌生，此駒上季三歲由蘇偉賢訓練，服役頭兩仗正是由潘頓執韁，取得一冠一季成績，人馬合作上名率100%。

然而之後「君達星」升上三班，潘頓便沒有再騎，此駒亦未再捷，直至今仗「君達星」降班作戰，潘頓能造到磅，立即睇中取去帥印，反映他亦認定「君達星」在四班份量十足，唔想錯過贏馬機會。

另一方面，「君達星」的近況絕對不差，此駒今季加盟丁冠豪後已跑過兩仗，在三班雖落第但均所負不遠，拼後潘頓亦已接手，親自操過兩課，對牠非常重視。

「君達星」曾在三班和「得勝駒」串Ｑ，而「得勝駒」今季曾經跑贏過其後勝出打吡的「添滿意」。以此推算，唔怪得「君達星」今仗降入四班，潘頓急不及待搶來騎啦！

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI