諸葛紫岐（Marie）、謝婷婷及樂基兒（Galie）今日喺澳門出席時尚活動。

早前諸葛紫岐同老公薛嘉麟傳出婚變，喺微博互數，但亦被本報獨家拍得一家三口外出修補關係，問到佢現在夫妻關係，Marie話：「好似春天咁，未去到夏天囉！媽咪係有同我傾過，唔算鬧，乜語氣都好，佢都係關心個女。」

問佢係咪擊退咗情敵？Marie就撒嬌話：「我唔知邊個係第三者，你哋有冇相呀？我哋有坐低傾過，佢都唔係認錯嘅，大家都希望好。」佢又強調最重要係誠意同心意。

謝婷婷就透露會喺澳門為爸爸謝賢買飾物，又希望聖誕節可以同一對侄仔Lucas及Quintus聚會，Gaile身形就纖瘦咗唔少，佢鬼馬對記者話：「我嚟攝相影㗎咋。」