今日中環都幾「星光熠熠」喎！今日下晝五點半左右，《蘋果》發現苟芸慧單拖喺中環置地廣場門口出現，佢戴住口罩，眼望望睥實記者，過咗一陣，就登上一架綠色Benz離開，唔知係咪佢緋聞男友陸漢洋做司機接佢呢？

另外，喺附近位置就有王愛倫囝囝林建億，陪外籍女朋友煲煙。兩人發現記者後，表現都不太介意；就算知道有記者，而女朋友又食緊煙，但係林建億都攬一攬女朋友，顯得常淡定。