Eason撐Gin Lee出山
錄月球廣播劇
蘋果日報 2016/04/29 00:00
李幸倪（Gin Lee）加盟環球後受到力捧，《雙雙》和《月球下的人》兩首MV在YouTube的點擊衝破逾300萬，新碟《beGin》更登上HMV銷量榜冠軍，最近Gin Lee甚至獲師兄陳奕迅（Eason）力撐，已經十年沒錄廣播劇的Eason，最近為Gin Lee出山合作錄903廣播劇《月球下的人》。
07年Eason有首《月球上的人》，今年Gin Lee就唱《月球下的人》，兩首都是林若寧填詞，Gin Lee在電話中說：「今次可以同Eason做廣播劇好感動，因為佢做緊巡唱，都抽幾個鐘同我一齊錄《月球下的人》廣播劇，當然係好榮幸啦，同埋我好開心佢話呢排成日聽《月球下的人》呢首歌，佢亦都好鍾意。」
07年Eason有首《月球上的人》，今年Gin Lee就唱《月球下的人》，兩首都是林若寧填詞，Gin Lee在電話中說：「今次可以同Eason做廣播劇好感動，因為佢做緊巡唱，都抽幾個鐘同我一齊錄《月球下的人》廣播劇，當然係好榮幸啦，同埋我好開心佢話呢排成日聽《月球下的人》呢首歌，佢亦都好鍾意。」
Gin Lee的新碟《月球下的人》在HMV銷量榜排第一，成功上位。
Gin Lee拍廣告做瑜伽，有事業心又有事業線。
Gin Lee獲環球力捧做一姐，新歌《雙雙》和《月球下的人》（圖）MV的點擊破300萬。
「恨同佢合唱」
問到為甚麼跟Eason合作錄廣播劇？Gin Lee說：「因為佢有首《月球上的人》，當時佢都做咗個廣播劇，今次想做一個類似續集嘅嘢，所以有呢件事發生，今次嘅合作係好開心嘅，其實我好恨同佢合唱，我哋合作過兩次，上次係《一加一》劇場版，希望下次可以唱歌啦。」
此外，Gin Lee日前為某護膚品牌拍廣告，夥拍國際星級健身教練李婉芝，Gin Lee着tube top晒事業線，身材弗爆，讀書時是短跑健將的她，其後因傷患轉戰樂壇，她說：「雖然工作好忙，但我都堅持要做瑜伽keep fit減壓，時刻保持靚body，對唱歌練氣都有幫助，所以運動係必須嘅。」
採訪：皓騫
此外，Gin Lee日前為某護膚品牌拍廣告，夥拍國際星級健身教練李婉芝，Gin Lee着tube top晒事業線，身材弗爆，讀書時是短跑健將的她，其後因傷患轉戰樂壇，她說：「雖然工作好忙，但我都堅持要做瑜伽keep fit減壓，時刻保持靚body，對唱歌練氣都有幫助，所以運動係必須嘅。」
採訪：皓騫