小說《西遊記》的唐三藏以耐性感化孫悟空，現實世界也有類似故事。任職髮型學徒的賴昭文雖無孫悟空般頑劣，卻不時曠工數個月，消極和懶散的程度令在同一髮型屋工作的孖生弟弟「無晒符」，幸得髮型師師傅陳麗嫻循循善誘兩年，昭文才重拾目標，更熱衷為長者義剪。

記者 李詠希

在大圍一間裝潢時髦的髮型屋，記者到訪當日，坐滿了來剪髮、染髮的老友記。雖然是義剪，同為髮型學徒的賴昭文（阿Man）和孖生弟弟賴曜文（Fred）仍細心為長者趕在冬至前轉換新髮型。二人的師傅陳麗嫻說，阿Man是她遇過最頑劣的學徒之一，但亦是最大改變的一個。

本身是髮型屋老闆的陳麗嫻憶述，兩年前認識細孖Fred，聘請他擔任學徒，隨後經Fred介紹認識阿Man，三人從此結下師徒緣。她說，昔日的阿Man不時失聯，「打幾十次電話都搵唔到人」，更試過曠工三次，最長消失四、五個月，就連工作表現亦欠佳，「佢識剪電染，但會做做下中途唔做，唔知去咗邊」。

陳麗嫻說，自己年輕時也反叛過，惟當年師傳都不斷給她機會改過，故同樣會以耐心對待阿Man。她指，有次去日本旅行，得悉阿Man又「消失」，「知道佢又鑽牛角尖，喺日本都要打兩個鐘電話去感化佢」。她說，經過兩年善誘，阿Man已變得主動積極，「客人對佢哋嘅期望都好大。好想佢哋兩兄弟拍住上升師傳，咁我就覺得好幸福」。

與阿Man僅相差一分鐘出世的Fred說，因阿Man的懶散，令他不好意思面對其他同事，試過因此吵架，學習以陳的口吻訓示哥哥，「會問佢有無諗過將來？而家已25歲，係咪想做多幾年仲係咁？」他認為哥哥的轉變全靠師傅感化，「以前返工叫佢起身佢唔肯，而家就早過我」。

現年25歲的阿Man則說，對過去感到內疚，「有時畀師傳話，我就會諗埋一邊，消失匿喺屋企打機」。他說陳已不只是師傅，感覺更像父母，「佢係好到放咗工，加班教我嘢」，又指全靠陳不斷灌輸他正能量及帶他做義工，令他重拾目標，「去義剪見到公公婆婆嘅笑容，就好滿足，做嘢好有衝勁」，更期望一年內升為「師傅」，報答師恩。

三人工作的髮型屋本月已為約20名長者義剪，新年會再度與路德會合作，繼續舉辦義剪活動，為長者剪髮迎新歲。