台灣作家兼導演九把刀今日親到灣仔書展，為新書《上課不要打手機》舉行簽書會。九把刀話共花咗兩、三個月完成呢本書，佢話本書主要嘅內容都係胡說八道，所以同時間做電影《報告老師！怪怪怪怪物！》，都可以一邊寫書。仲可以喺電影正式上映前，出埋本書㖭。

問佢會唔會將《上課不要打手機》拍成電影？九把刀就話：「暫時沒想過，因為題作與及後期製作會比較困難，兼且每一次做完一部電影，都不想再做導演，因為好累和很辛苦，很怕會拍出爛片。幸好聽到新片(《報告老師！》)的反應也不錯。」另外，柯震東亦有份客串《報告老師！》嘅演出，問佢可會再搵佢合作？九把刀話：「一直都想，我們是好朋友，他現在很會演。(同場合作鬥戲？)不會喇！我演得爛！不行！」