當年今日
關於我們

【全城禁聚】籃球框被封照約人打波 波友:我諗三個冇事啩?

蘋果日報 2020/03/28 19:27

花墟全城禁聚封框

【新增動新聞】
香港政府為降低武漢肺炎在社區爆發的風險而推行新例,禁止多於四人的聚集,包括在今午六時起封閉街場等公共娛樂場所。不過本報記者在下午四時半抵達花墟公園球場時,在場職員已開始「封框」。
驟眼所見,職員借以膠帶纏著籃框,再以黑色垃圾袋及索帶將框封住。街坊阿文帶着雪糕筒等器材跟兩位好友練習運球,他直言若要接受隔離的人士不自律,「封框不封關」實屬無用,「我堅信每個人都係唔自律。如果當初肯封關,可能就唔使封框。老實講,我覺得山頂個隔離人士冇出去打波,政府都未必有(封框)呢個決定。」他續指,不太了解康文署會否在鎖上公園的出入口,若關閉公園將會更加擾民:「公園閘口都封埋唔只影響打波,直頭會影響民生,因為附近有車站,要經過公園嘅人都會好麻煩。」
縱使港府禁止四人聚集的新例在周日(29日)凌晨零時起生效,但阿文表示仍會相約兩位朋友到球場練習個人技術,「都會約,但跟返規定唔超過四個,我諗三個冇事啩?」他在農曆新年假期後起停學至今,為增強抵抗力只好出外運動。
另外,獨自到場練習控球的王先生表示每個星期都會到旺角花墟球場打波,指因疫情肆虐,最近打波人數已經減少。他又認為做運動對身體有好處,故雖籃框被封,但球場仍然開放,未來仍會落場拍波:「落嚟郁吓,成日坐喺屋企都好唔舒服啦。」王生補充指政府防疫的政策並非不好,但在細節上有不少改善的空間:「打波比出街食飯、比你去蘭桂坊好好多啦。你規定一個框可以兩三個人射波打波都可以,好過依家咁樣完全無得玩。」
及至六時左右,在場職員開始以膠帶封住兒童遊樂場中滑梯、鞦韆及健身器械等設備。本報向職員查詢會否關閉花墟公園的出入口時,他只說未有收到相關指令。
記者:許嘉明、麥卓溢
-----------------------------
【武漢肺炎】專頁
全民自救 抗疫資訊盡在《蘋果》
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports
empty
empty
花墟提早四時半已封場,但仍有波友在打波。 謝榮耀攝
empty
阿文(左)禁令前已約兩位朋友到球場練習個人技術,他說﹕「(禁令後)都會約,但跟返規定唔超過四個,我諗三個冇事啩?」