今期2線波早飛推介,鎖定重心要蘇超福爾柯克主場砌低防線冇乜人用嘅基爾馬諾克,單W有2.1倍唔怕買。
福爾柯克雖有借將射手史杜基斯離隊(已加盟新特蘭),但頂上嘅前鋒阿倫高禾都唔係弱雞,近3場都入咗4球。福軍勝在攻力唔差,最近佢哋又從紐卡素簽得預備組前鋒芬寧根加盟,佢嗰時喺紐記B隊每隔兩場就入1粒,聽落都覺得佢幾有料。
筆者都喺網上睇過福爾柯克嘅比賽片段,發現中場大腦拿達比雖然38歲,但外型同踢法都有啲似前保頓嘅奧高查,不過拿達比走動範圍仲多,喺福軍好有作用。睇番基爾馬諾克今場有7位球員缺陣,包括幾名後衞西蒙霍特、格蘭梅利同大衞利尼都唔出得。呢啲呀?隨時輸大大鑊都未定。