9月28號香港警察用催淚彈對付只係拎住遮嘅示威者，張立基喺29號喺微博依然撐警方「香港警察系(係)必須要維護好香港嘅秩序同埋治安」

不過去到今日，佢就好奇示威現場，親身落旺角場睇睇，首先佢去咗食個牛腩河話:「今日見證歷史之餘刀(都)要醫下個肚仔先。」

因為旺角封路，冇其他車可以入，但其實商鋪同地鐵都運作正常，市民係完全自己出入該區域，張立基就話:「我從小就在香港長大，3歲已經在彌敦道出出入入，以前彌敦道車來車往，今天的彌敦道馬路居然可以自自由由咁行，重(仲)可以在馬路中間坐系度影相，真系(係)心痛」原來冇自由行碌腳嘅旺角，可以自己坐低抖下，仲有義工送埋水同食物，係會令人心痛嘅?張立基嘅心情，應該一般人係難以明白。

之後，張立基又去埋金鐘現場，仲好似龍心咁拎住相機轉圈自拍話見到示威現場嘅人士，其實都好平靜，又會開路俾老人家，話見到其實都幾開心嘅喎。

另外，噚晚亦有唔少藝人到咗示威現場撐學生，o靚模羅彩玲噚晚去咗港島，佢喺fb話:「已經安全回到家。各位繼續留守的市民請加油而且小心!!!!」

趙學而喺instagram就話:「盡點力。繼續加油」

張敬軒就放咗張藍黃絲帶嘅圖，表示香港市民同警察唔係對立。

MVG成員周曉彤亦有到場話:「他朝一日，這將會變成歷史。無論結果怎樣。我們也總算是為香港的未來而奮鬥過。我無悔。」

陳司翰就直情喺微博話:「原來，道路堵塞了，車輛會變少，空氣會變好。原來，人們受傷了，心情會平和，對陌生微笑。原本煩囂會消失於無形，變得禮讓，通暢；可以手不掩鼻，享受徐行，漫步美景。原來，沒有路燈，也會漫天燈光。原來，手拿米高峰，不需要好聲音，掌聲也會支持。原本風雨，沒有爭相走避。原本失去，反而多了你和我」