只得16歲嘅日本人氣偶像橋本環奈,靠「天使面」之稱號深得少男歡迎,早前宣佈首次以女主角身份接拍reboot版經典電影《水手服與機關槍》,安排下年上映,角川電影今日終於首度公開宣傳海報同埋預告片。
《水手服與機關槍》改編自著名小說作家赤川次郎之同名小說,早於1981年首次拍成真人版大受歡迎,當年由藥師丸博子主演,翌年就由原田知世成為第二代主角,到2006年就找來長澤正美拍成連續劇,今次輪到橋本環奈演第四代女主角星泉,片名已定《水手服與機關槍:畢業》,而橋本環奈為角色就將招牌長髮剪短,今日佢更新twitter話:「係出世之來剪得最短頭髮嘅一次。」橋本環奈仲放下玉女形象嘅包袱,手執機關槍擘大口亂槍掃射,同片陣容仲有安藤政信同埋長谷川博紀。
link
https://www.youtube.com/watch?v=3ndCvdhYitA