o靚模始祖楊穎（Angelababy）與內地當紅小生黃曉明拍拖後，兩個都係大忙人，特別係曉明，經常飛嚟飛去，根本畀唔到好多時間拍拖，日前更有香港雜誌話曉明同舊愛李菲兒愛火重燃，Baby無奈出局，搞到佢傷心到死。但馮仁昭噚日上微博發現佢兩個關係仍然密切，話佢哋分咗手，應該係流料。

「當娛樂一下觀眾」

噚日大約下晝3點，黃曉明喺微博發表：「對了，還有這兩天香港總有新聞一篇一個樣，請大家停止這些無聊的炒作吧！」跟住3點04分Baby即刻喺自己個微博回應：「早上起床，收到友人發來的大大串網址。緋聞啊！炒作啊！那些見慣了，也就算了，娛樂圈就當娛樂一下觀眾吧！」雖然Baby唔係上曉明個微博回應，但曉明呢頭講完，Baby咁快速喺自己個微博回應撐男友，可想而知佢哋關係仲好好啦！
其實黃曉明為Baby都做咗好多嘢，佢咁鬼忙，其實邊有咁多時間上網寫微博，但Baby叫佢開個微博同佢傳情，咁佢咪聽話開一個囉！點知一開就上咗癮，連同啲粉絲都可以傾一輪。