青協昨舉行「薪火相傳，燃亮你、我、他」嘉許禮，阿牛、阿康等12名過來人以身作則，現身鼓勵一班曾犯錯的青少年重返正途。

「細個嗰陣只係識講『雷』（義氣），冇諗過用其他方法解決問題」。今年26歲的阿牛憶述，第一次被警察拘捕，原因是同學仔「勾義嫂」。
那時候他還是個中二生，已為同學被「撬牆腳」抱不平。「當時我有份打人，仲係行得最前嗰幾個」。事發後他被警司警誡，參加青年協會的青年支援服務計劃，漸漸改變衝動的性格。
當年「講雷氣」的他笑說，若再有朋友「勾義嫂」，他會以另一種態度處理：「我會勸佢緣份嘅嘢唔可以勉強，係你就係你，唔係你就唔係你。」做人處世成熟了，但愛情觀還是不變。「我仍然覺得勾義嫂係唔啱嘅！」

「犯咗事嘅人，只要肯改過，社會係會接受你哋！」22歲的警員阿康憶述，他11歲時，在街上拾到一個錢包，因一時貪念，順手拿走裏面的輕鐵月票，被警員揭發，被控以盜竊罪。幸而在警司警誡及警察義工的輔導下，他18歲前再沒犯錯，可不留案底，重獲新生。
阿康當差後，曾親手拘捕年僅10歲的「索K」孩童。他慨嘆香港有許多青年問題，源於小孩子受家庭、學業壓力影響，做人缺乏自信。