當年今日

地產多聲道:大陸睇樓團趨豪華

蘋果日報 2002/06/10 00:00


港人對祖國的情意結日益濃厚,買大陸樓的人士不斷增加,同時,亦多咗好多內地睇樓採訪團,代理喺包裝上都花多唔少心思,好似月中一個北京團,新聞稿標題係「北京2日1夜獨家豪華睇樓團」,內文更標榜可以享有一個好玩難忘的旅程,好似宣傳旅行團一樣。查實,老遠去到首都採訪,最緊要係有料到。

賣樓播波未必掂
土瓜灣傲雲峰設於尖沙嘴中心嘅售樓處,啱啱過去個禮拜六,裝咗電視轉播世界盃足球賽(圖),噚日下晝,就播墨西哥對厄瓜多爾的賽事,但買家反應麻麻,問其中幾位看似球迷的大叔,回應係「播中國對巴西就話啫!」,似乎播球賽的招數,並唔係場場奏效呢。
蘭西