近700名醫護人員，今午（6日）到醫管局集會，要求高層就反送中運動造成各項對醫護的影響發聲。註冊護士張先生當通宵更後小休到現場集會，他說自己最大訴求是譴責警方濫捕及過份武力，第二大訴求是醫管局過去兩、三個月均無就反送中所引起的連串醫療事件作回應。張指最想與上月發放小錦囊的醫管局總監（質素及安全）鍾健禮對話，認為醫護人員通知病人家屬是天職，不需警察過問。他稱根據程序，在護理病人時會先請警方離場，並要求警方解開手扣，但有同事反映警方會以「二看一」形式看守病人，「瞓埋病人嘅床，幾嚴重㗎，影響病房運作，啲人數都多」，認為警方所為絕對不能接受，「坐喺度看都算，仲瞓埋張床」。

除警察坐床外，張生稱曾目擊「有防暴full gear入晒嚟」，直言「咁樣會嚇親啲病人」，同時防暴警察並無說明來意，「成隊人冇示威者冇盛，又有病人喺度，阻住晒，我哋唔知佢哋做乜，佢哋亦都唔會講」。張認為醫管局高層現時應闡述立場，「無理由警察會影響我哋做嘢嘅方式」，加上過去曾發生「分流站篤灰」事件，擔心市民不敢到醫院求醫，亦不再信任醫護人員。早前有急救員即使聲淚俱下亦被警察拒諸門外，不准入港鐵站救援，張批評「係好侮辱我哋」，認為義務急救員負責救護工作，「示威者好警察好我哋都救，呢個係人道救援，無理由阻住」。

註冊護士麥小姐指，早前有義務救護員因身上有生理鹽水及剪刀而被捕，「呢個係唔合理同唔公義」，直言不能接受，故出席集會為公義發聲。其次，早前有醫護人員上班時戴黑口罩表態，被揚言追究，認為此舉為恐嚇醫護人員噤聲。麥希望醫管局高層可表明對此不作追究，「停咗叫病房交名上去呢啲行為先」。她又強調，醫護人員會一直以專業緊守崗位，「咩人喺我哋眼中都係一視同仁」。

另一位出席者、註冊護士張小姐指，出席集會原因是希望政府回應五大訴求，第2為針對醫管局上月公佈的「小錦囊」，要求醫護人員不要貿然通知病人家屬病人情況，否則有機會犯下刑事罪行。「每一日我哋所做嘅決定，係牽涉人命，我哋會有我哋嘅專業，去決定幾時去搵傷者屋企人，而唔係仲要問警察一句我可唔可以打電話畀佢屋企人。」她強調，「我相信做得我哋呢一行嘅，都係會有良心」，認為對所有病人一視同仁。對於警方阻止義務急救員救人，她認為絕不能接受，「唔明點解可以由得啲傷者喺（站）入面，唔畀協助佢哋（警方）」。她批評警方多次延誤治療，「相信有示威者係因為咁而病情惡化」。

-----------------------------

香港人權與民主法案祈禱會

日期：9月8日（星期日）
【遮打花園集會】
時間：下午1時30分至6時30分
地點：中環遮打花園

【流水式自發到美領館】
時間：下午2時起
地點：美國駐港澳總領事館

主辦：民間發起
-----------------------------
【撐學生】
召集有心人 撐學生全年睇《蘋果》
立即按此