【hmv清盤】經理人公司出現財困 張智霖:同公司共渡時艱
蕭定一HMV張智霖
蕭定一旗下hmv數碼中國(8078)公佈,旗下hmv零售決定自願清盤。集團又公佈遭財仔入稟追數,利星行信貸入稟追討蕭定一旗下公司的布力徑25號屋。該屋於2013年至2017年期間,向包括周大福珠寶金行、利星行及香港信貸財務作抵押借貸。此外,而蕭定一喺2016年以1.5億元買入西半山豪宅殷然頂層複式「天池屋」,過去兩年來,先後四度按揭,睇嚟阿一經濟都幾緊張。
雖然阿一話hmv清盤唔會對其藝人管理、影片及電視節目經銷及製作等業務造成影響。但聽聞佢啲影視公司資金好緊張,仲有糧未找清俾旗下藝人。張智霖作為佢公司旗下當紅藝人,據知公司未找清數俾佢?頭先打俾佢問,佢話:「公司最近發生嘅事,多少係令我有啲擔心,不過我相信公司係有能力應付嘅!」
問到佢幾時約滿蕭定一公司?佢話:「仲有幾個月!」續唔續約嘅事,Chilam就話:「未來嘅事唔想依家去諗住,總之喺呢個時間會同公司共渡時艱!」咁到底佢經理人公司有冇欠佢錢?佢講:「私人事務唔回應啦!謝謝!」
精選娛聞,喺晒《娛果》
http://fb.com/appledailyent