出戰歐聯不是夢，紐卡素季尾發力，錄得聯賽6連勝，壓過熱刺升上第4位，並進逼阿仙奴的「3哥」位置。今輪他們將造訪護級分子韋根，相信有力挾6連勝之勢痛擊對手，所以今仗不妨直取紐卡素[-1]「客勝」！
在最近6場聯賽，紐卡素贏過史篤城及西布朗等中下游球隊，得13個入球，只失1球；其中5場保持清白之身，可見紐卡素的防線非常穩固，相信英超攻力排尾2的韋根難以偷雞。

柏比斯施斯「弗」到漏

當然不可不提紐卡素的鋒線，塞內加爾射手柏比斯施斯季中加盟，極速融入球隊，近6場攻入9球，「弗」到漏油，他將夥拍同鄉丹巴巴亞攻堅。聯賽形勢上，若車路士奪得歐聯冠軍而又不入前4的話，到時就只有聯賽頭3名可獲下屆歐聯參賽資格；為免夜長夢多，相信紐卡素定必在餘下賽事搏盡，力求搶走阿仙奴的第3位。
韋根護級形勢水深火熱，現排尾4，最近亦有復蘇之勢，贏過曼聯及阿仙奴；但上場竟作客不敵富咸，可見是虛火而已。今場面對大熟大勇的紐卡素，就算佔有主場之利，韋根都難逃敗局，所以不妨追捧客隊。

西布朗勢破維拉

另一場，西布朗主場對阿士東維拉，看好主隊可以輕鬆勝出。西布朗最近聯賽兩連勝，而維拉近7場都未贏過；比較兩軍近況，寧買當頭起，今場宜捧主W。至於今季表現令人驚喜的史雲斯亦於主場擺陣，迎戰篤定降班的狼隊；由於後者戰意成疑，加上近況極差，所以看好主隊，可博史雲斯[-1]「主勝」。文：咖喱

混合過關

星期六36史雲斯勝[-1]（2.35）x
星期六37西布朗勝（1.95）x
星期六38紐卡素勝[-1]（4.5）3x1