當年今日
關於我們

溱喬八幢獨立屋沽出

蘋果日報 2005/10/14 00:00


西貢新盤溱喬上個禮拜日開始賣,永泰南豐話,賣咗七至八間,每幢獨立屋最平要二千萬。
呢個獨立屋新盤,發展商一直用物業四周環境怡人,群屋之間種植唔同季節時花做賣點。總數六十三間屋,用咗大概五百萬裝修三十一號做示範屋,噚日開放畀傳媒睇。
永泰拓展總監李簡鳳玲話,洋房四千零二十八呎,另外客廳對開嘅私家花園有成千五呎,樓底十五呎,空間感十足。洋房原本四房,現改為三房。
李簡鳳玲話,兩間近四千七呎董事屋,永泰及南豐高層好鍾意,有機會保留自用。部份迎海大屋,唔排除保留收租。
empty
頂層預留空間做按摩池,邊按摩邊享白沙灣海景。
empty
63幢獨立屋以排屋方式排列,部份屋內花園保留古樹。
empty
每幢獨立屋大門前,種植不同花卉及植物,環境綠化。