【新增影片】
2018／19學年的小一「自行分配學位」收生程序今日展開，此學年是最後一批「雙非」學童入學期。有「雙非」家長一早已安排子女入讀上水的幼稚園，亦打算在港報讀小一，今早前往上水惠州公立學校交表。早上9時已有近20名家長前來報名，「雙非」家長羅太指，家住深圳福田區，兒子現在每日花近一小時，到上水入讀幼稚園，，「佢都習慣咗跨境返學，亦都完全無考慮（回深圳讀書），本來喺香港生，就係覺得呢邊教育制度好，為咗香港教育、文化、各方面都好啲，比較國際化啲，比起大陸亦比較接軌得多啲」。

羅太趕上「雙非尾班車」，惟她笑指兒子2011年尾出生，上年亦可入學，惟決定今年才為他報小一，「因為太細個，男仔都係後期發育，咁變咗細B就乜嘢優勢都無喇，所以就操佢變成大B先」，對兒子的能力有信心，不擔心競爭。

尹小姐亦為「雙非」家長，今早花個半小時、8時已來到香港排隊交表，她指不擔心小孩跨境讀書，「快的花一小時就可以，（不怕辛苦嗎？）不怕，因為有校車吧」，惟她指如小孩入學，亦會考慮租上水單位居住；她又指欣賞香港的教育制度，亦為小孩報讀英文、畫畫等興趣班，預備入學。