【宣傳手法?】林憶蓮出最後一張專輯 台灣驚傳為退隱倒數
林憶蓮
現年52歲嘅林憶蓮(Sandy)下星期會推出新專輯《0》,專輯籌備咗6年,台灣就有消息傳憶蓮視呢張為最後出嘅專輯,因為佢出完呢張專輯之後,就會退隱淡出歌壇。憶蓮近年生活養專處休,不時都影到佢同細11年嘅鼓手男友恭碩良拍拖,好似日前就被本報影到佢哋兩個孖咇帶兩隻唐狗去西貢「放電」歎下午茶(新聞連結: https://bit.ly/2C5dJjg )。
憶蓮其實近年將唱歌事業轉移大陸,好似舊年就參加唱歌真人騷《歌手2017》,但今年就明顯放慢咗唔少工作步伐,舊年底更無預警取消今年超過20場巡迴演唱會,呢半年近乎冇接商業活動,種種跡象似為告別樂壇部署,而台灣傳媒指熟悉佢為人嘅友人透露,憶蓮唔會高調封咪,只會默默淡出。台灣《蘋果》就有搵過經理人陳鎮川(川哥)問關於憶蓮引退傳言,佢表示:「Sandy做音樂和對工作的安排有她明確的想法和主導權,我百分之百尊重她,這張專輯她花了3年製作,是她給歌迷最有誠意的一份禮物!至於未來還沒發生的事,將來再說。」
講到憶蓮最後一張專輯,佢就搵咗台灣音樂人阿信同吳青峰合作,川哥說:「只有林憶蓮有能力拼湊出這樣堅強的製作組合,林憶蓮一直都勇於嘗試新的事物,嘗試大家覺得不可能的事,像這次阿信編曲,青峰的詞,就是個好例子,大家各自把最專業的領域發揮到極限,成就了這張專輯。阿信跟林憶蓮合作方式比較特別,介於合唱跟和聲中間,不是傳統男女對唱,是他代表男性與她有個對話的感覺。」
如果,憶蓮真係如台灣傳媒報道淡出,即係結束佢33年演藝歌唱生涯,佢85年加入商台做DJ,俞琤幫佢改「611」嘅DJ名,第一首歌係《愛情I don't know》,90年喺台灣出國語專輯《愛上一個不回家的人》紅遍中港台,於90年代與梅艷芳、王菲、鄭秀文並列四大天后,90至92年度連續3年奪得叱咤女歌手金獎、13年喺台灣贏得第24屆金曲獎最佳國語女歌手獎、最佳國語專輯獎、最佳專輯製作人獎,成為該屆金曲獎大贏家。
憶蓮感情生活最為人所知,係同台灣音樂教父李宗盛相戀,兩人於98年結婚,育有一女李喜兒,04年離婚,李宗盛於3年前再婚,而憶蓮就同恭碩良相戀,感情穩定。
精選娛聞,喺晒《娛果》
http://fb.com/appledailyent