Beyond三子相處28年，一同共過不少患難，昨日是鼓手葉世榮小登科，一向是三子和平使者的世榮，竟然沒有邀請，也沒有通知兩位28年的兄弟黃家強及黃貫中（Paul），家強與阿Paul對世榮結婚完全懵然不知，就連世榮太太是誰也不知。不過兩位兄弟接受本報記者電話訪問，也恭喜世榮！
家強開心說：「祝佢同太太白頭到老！連生貴子！」他表示還未聯絡到世榮，他說：「或者遲啲再搵佢啦，如果有心一定見到面嘅。」世榮沒有請他和阿Paul去飲，是否好失望？家強失落說：「少少啦，可能佢唔方便請我哋呢，佢喺北京擺酒，請我哋飛過去，佢要出機票同酒店好貴㗎，我相信佢搞完婚禮一定會搵我哋，只係家婚禮太忙，唔得閒搵我哋啫。」